圍頭人飲食文化（二）

作者： dee dee

圍村人為乜「派門頭」？！

相信愛好行山人士都聽過印洲塘有個地方叫「直門頭」，唔知「派門頭」有無聽過呢？如果你以為都係地方名咁就錯喇，究竟係乜？

「門頭」即係「門口」，但呢個門口唔係厔企門口，更唔係舖頭門口，而係指圍村家庭中每一個結咗婚嘅男丁，就係一個「門口」。「派門頭」就係向村中已婚嘅長輩派喜餅。以前，村內有人結婚或點燈 (即添丁) ，就會向村中已婚嘅長輩派「裏仔」或叫「轆追」嘅食品，用意係通知長輩及分享喜事。一般來講，至親長輩每個「門頭」派六個，較疏嘅長輩就派四個。

咁「裏仔」同「轆追」係咩呢？原來係指煎堆，只不過係不同嘅名字。煎堆不單寓意團團圓圓，還有財源滾滾來嘅意思。